Физикийн 3D лаборатори сурагчдын сэтгэхүйг хөгжүүлнэ

Хэвлэлийн нэр: Хүрэл тогоот-2014 Эрдэм шинжилгээний бага хурлын эмхэтгэл

Хамтран зохиогч:

Хэвлүүлсэн огноо: 2014-10-25

Хуудас дугаар: 117

Өгүүллийн хураангуй: Онол, туршилтын физик, тооцооллын техникийн дэвшил, математик, мэдээллийн технологийн хөгжил байгалийн амьтай, амьгүй юмсын зүй тогтлыг квант бүтцээс нь ургуулан бүтээсэн тооцоо дүрслэлт туршилтаар судалдаг боллоо. Чингэхүй математик алив загварыг амилуулдаг сүнс нь болсноор математикт дэлбэрэлт эхлэв гэж үзэж байна. Биологи, хими, физикийн шинжилгээний арга хумхи ертөнцөд бас нэгэн амьд нийлэв. Туршилт, тооцооллын баримт сэлтийг 2D болон 3D дүрслэлээр босгосноор физик, биологийн биет, үлэг молекулын бүтэц, хувьсахуйн дүр зургийг нано болон эсийн төвшинд ил тод болгож байна. Эдүгэ тооцоо-дүрслэлт туршилт үйлдээд, үнэ цэнэтэй шинэ мэдээ сэлт илэрэхүйд даруй нотлохоор нүсэр мөнгө зарцуулан техник технологийн туршилтыг санхүүжүүлдэг болов.

Компьютер загвар бүтээхүй

Онолын физик бол байгалийн үзэгдлийг математикаар загварчилан судлаад, хуулийг нь нээгээд, утгыг нь томъёонд багцалдаг эрдэм. Улсын их сургуулиудын эрдэмтэн багш нарын баг ЕБС-ийн физикийн агуулга дахь тулгуур хуулийг "нээдэг" тооцоо-дүрслэлт загвар лаборатори бүтээлээ. Эхний 2D лабораторийг нь БСШУЯ-ны сайдын 2004 оны 41 тоот тушаалаар дунд сургуулийн сургалтад нэвтрүүлэх ажил эхэлсэн юм. Одоо 3D лаборатори бэлэн болов.

Зарчим

Анхан шатны сургалтанд бол эл лабораторийг хөдөлгөөнт үзүүлэн байдлаар ашиглаж болно.

Ахлах ангид сурагчид физик үзэгдэл, хуулийг "нээх" зорилго дагуулж тооцоо-дүрслэлт туршилт үйлдээд хэрэгжилтийн дүнг "CAMTASIA" Програмаар хөдөлгөөнт мэдээлэлд хувиргана. Дараа нь туршилтын ший-зураг,баримтыг тойруулан ухааныг уралдуулан ном хаялцах замаар асуудлын шийдрүүхамтаар тэмүүлнэ. Ургуулан сэдэж сэтгэх амин үйлийг өрнүүлэн мэтгэсээр шийдэлд хүрээд сурагчид тулгуур хуулийг өөрснөө "нээгээд" математик томъёог гаргана. Тооцоо-дүрслэлт туршилтыг үйлдэх, утга тайллыг хийхэд багш эрдмийн удирдагчийн өндөрлөгт байж сурагчдыг "хол" төөрүүлэхгүй чиглүүлэхийг чанд эрхэмлэнэ.

Өгүүллийн төрөл: ЭШХ-ын эмхэтгэлд бүрэн хэмжээний өгүүлэл

Өгүүллийн зэрэглэл: Дотоод

Түлхүүр үг: #физик сургалт #компьютер загвар #мэдээллийн технологи #тооцоот туршилт #загвар лаборатори

Өгүүлэл нэмсэн: Т.Уламбаяр