"Бяцхан ухаантан" ном нь бага ангийн сурагчдын нас сэтгэхүйн онцлогийг харгалзан тоглонгоо суралцах арга зүйгээр бичигдсэн. 6 настай хүүхдийн сэтгэхүйд тохируулан Монгол хэлний хичээлийн мэдлэг, чадвар, дадлуудыг Биеийн тамир, Дуу хөгжим, Дүрслэх урлаг, Хүн орчин зэрэг хичээлүүдтэй нягт холбон уялдуулан олгох дасгал даалгавруудыг тусгасан. Бага насны хүүхэд Биеийн тамирын хөдөлгөөнт тоглоомоор тоглонгоо, зураг зурж будангаа, дуу дуулангаа, дүрс эвлүүлэнгээ монгол хэлний хэл зүйг эзэмших, үгийн сангаа арвижуулах, болон унших, бичих, ярих, сонсох зэрэг чадваруудыг олж авах боломжтой. Хүүхдийн бие даан суралцах, оюуны үйлүүдийг удирдан хөтлөхөд "Бяцхан ухаантан" ном нь гарын авлага болох юм.